KUSZ LESEPROBEN


Dialekte sind Delikatessen. Da wird noch
mit dem Ohr gegessen, - an goudn, gell!
king of koungmiä
haikushorch
drei zeilnfür oblomow
däi wolgnschdernlä
aufschwunglebkoung
ihrziel
Leseprobe in meer Sprachen? ...


king of koung

iich und kann keeskoung?
schaui su aus
dassi kann keeskoung?
und ob iich enn keeskoung
ä suän keeskoung
wenni scho siich
suän keeskoung
moui hoom
bamm keeskoung
läffdmä es wassä...
ou, mei maul!
dä keeskoung
is dä king
dä "king of koung"

Nach oben

haikus

haikus senn schdreichhölzlä
wemmäs oozind
mäins brennä

Nach oben

drei zeiln

drei zeiln ibern schnäi? aff di erschd fälldä
aff dä zweidn bleibdä liegn
aff dä driddn schmilzdä

Nach oben

däi wolgn

schau nauf däi wambäddn wolgn
anne wambäddä wäi di andä
däi freggä gehm kann rouh bis reengd

Nach oben

aufschwung

aff däi blasdiggdiidn
wou deä sandlä
mid sich rumschlebbd
schdäihd "goldene zeiten"

Nach oben

ihr

wos seid denn
ihr für kerl
saufm dädäned
raung dädäned
schloufm dädäned
fressn dädäned
scheißn dädäned
obbä di goschn
aufreißn

des kenndä

Nach oben

miä

miä könnä si nu su lang
in di aung schauä:
iich siich miich und diich

Nach oben

horch

horch ä amsl!
und du hoggsd dou
und frißd

Nach oben

für oblomow

jedä fouß mid demi
in dä fräih aufschdäih
könnäd dä väkehrde saa

Nach oben

schdernlä

schnäi di ganz nachd
undä di ladern werrn
di schnäifloggn zu schdernlä

Nach oben

lebkoung

deä vollmond ibä
nämberch is aa blouß
ä lebkoung

Nach oben

ziel

deä wech is es ziel
du redsd di leichd:
iich find inn wech ned

Nach oben



Leseprobe in 3 Sprachen? ...

Nach oben